Hoxe o alumnado de 6º de Ed. Primaria tivo a sorte de charlar con Ana Lojo (escritora e mestra do noso centro). Despois de ler o seu libro Estela de Cartas, tiveron a ocasión de falar con ela sobre o proceso de creación dun libro, desde os primeiros esbozos ata a súa publicación.
Tamén aproveitaron a ocasión para facerlle preguntas e para levar un exemplar asinado. E tiveron a primicia de saber como empezará a segunda parte deste libro...
Grazas Ana, por adicarnos un cachiño do teu tempo!
O venres 16 celebramos a tradicional Romaría das Letras Galegas adicada este ano á poesía tradicional oral (cantareiras).
Por iso, dende a biblioteca, invitamos ao grupo de cantoterapia da Cruz Vermella a desfrutar deste día con nós para que nos deleitaran con algunhas cantigas tradicionais. Foi unha xornada chea de música e baile onde toda a comunidade escolar festexou a nosa lingua.
Moitas grazas á Cruz Vermella por colaborar, unha vez máis, co noso cole!
Para relacionar o día do libro co proxecto de centro deste curso, decidimos investigar de que país eran diferentes contos. Unha vez feita a investigación, ilustramos a súa portada e fixemos a bandeira do país correspondente.
Aquí podedes ver algún exemplo.
Onte pola tarde tivemos un contacontos con luz negra para as familias que quixeron asistir. A profe María contounos o conto "¿Qué bigotes me pasa?" para traballar as emocións e despois fixemos un debuxo do mesmo.
Foi unha xornada moi divertida. Grazas aos asistentes!
Hoxe comezamos coa semana das Letras Galegas e fixémolo coa obra de teatro "Dende Rosalía ata as Cantareiras" da Xanela do Maxín.
Unha obra moi interesante na que repasamos as mulleres homenaxeadas nas Letras Galegas comezando por Rosalía de Castro e rematando coas cantareiras, as homenaxeadas deste ano, pasando por Luísa Villalta, María Victoria Moreno....
Aprendemos moito e pasámolo mellor aínda!
Hoxe tocounos presentar todo o investigado acerca de América. Dende os máis pequechos ata os máis grandes, todos e todas foron contando e amosando todo aquelo que descubriron e elaboraron; aprendendo así uns doutros.
O proxecto xa está tocando a súa fin, pero non sen antes adentrarnos na investigación de Oceanía. Alá imos!!!
O día 23 de abril celébrase o Día do Libro e no noso cole, entre outras actividades, fixemos un apadriñamento lector onde o alumnado máis grande lle contou un conto aos máis pequenos.
Desfrutamos un montón!
No seguinte enlace podedes ver fotos dese marabilloso momento.
