A semana pasada rematamos o noso primeiro club de lectura. Nel, os nenos/as que quixeron forman parte, tiveron a oportunidade de ler os cómics de Policán e conversar sobre os mesmos en cada reunión que se celebrou na biblioteca de forma quincenal.
Moitas grazas a todos/as por participar!
O venres 8 tivemos a sorte de poder asistir a unha charla de buceo impartida polo noso mestre de Educación Física.
Nela contounos os pasos a seguir para ser buceador profesional, a vestimenta e accesorios imprescindibles para ir sair a bucear e amosounos fotos e videos da fauna mariña que el fotografía cando vai ao fondo do mar.
Moitas grazas profe Antonio!!!
Seguindo coas actividades do Día do Libro, elaboramos un "mar de libros" onde cada alumno/a deixou constancia do seu libro favorito ou fixo unha recomendación lectora.
Os últimos días de cole fixemos a entrega dos agasallos para aqueles nenos/as que completaron o pasaporte lector do 2º trimestre.
Noraboa lectores/as e a seguir desfrutando da lectura!
O 23 de febreiro celébrase o Día de Rosalía de Castro. Este curso tratamos de relacionar a homenaxe a esta autora tan importante para a nosa lingua co proxecto de centro sobre o mar, polo que decidimos recolectar lixo na praia (fomentando así a conciencia sobre a contaminación marítima) e posteriormente elaborar con el un retrato de Rosalía.
O venres, o alumnado de 1º, 2º e 3º de Ed. Primaria, tivemos a sorte de contar con alumnos/as do clube de lectura e da materia de lingua portuguesa do IES A Cachada que nos viñeron a contar uns contos sobre o mar e a facernos unhas pequenas dramatizacións.
Grazas pola visita e por contar con nós para estas actividades!
Durante o mes de xaneiro desfrutamos dunha maleta viaxeira cedida en préstamo polo CEIDA. Esta maleta contiña libros relacionados cos océanos e fómola pasando por cada clase para que todos os nenos/as puideran desfrutar e aprender máis cousas relacionadas co noso proxecto de centro.
Durante este mes as axudantes da biblioteca estivéronnos lendo un conto de advento nos recreos; onde cada día íamos lendo un novo capítulo para todo o alumnado voluntario que quería escoitalo.
As mochilas viaxeiras xa están preparadas para visitar as casas de todos os nenos/as e compartir momentos de lectura en familia.
24 DE OUTUBRO: DÍA DAS BIBLIOTECAS ESCOLARES.
Día no que presentamos o proxecto deste curso, "O banco do mar", a través do cal nos adentraremos nas profundidades mariñas para coñecer a súa flora e fauna, os oficios relacionados co mar, os aparellos empregados...
