OS MESTRES TAMÉN CONTAN.

A semana pasada tivemos a sorte de que Theo, o noso auxiliar de conversa, e Antonio,  o mestre de Educación Física, nos contaron uns contos no recreo. 

Grazas por encher o noso mar de historias e aventuras!

FAMILIAS QUE CONTAN.

Ao longo da semana pasada, dentro da celebración do Día do Libro,  tivemos a visita de moitas familias que nos viñeron a contar contos relacionados co mar. 

Grazas a todas por encher o noso mar de contos!!!

APADRIÑAMENTO LECTOR.

O 23 de abril celébrase o Día do Libro e nos aproveitamos este día para facer un apadriñamento lector, onde os nenos de 5º e 6º lles leron un conto relacionado co mar aos máis pequenos. 

Como sempre foi todo un éxito. Grazas pequenos grandes lectores!

CONTACONTOS IES A CACHADA

O venres, o alumnado de 1º, 2º e 3º de Ed. Primaria, tivemos a sorte de contar con alumnos/as do clube de lectura e da materia de lingua portuguesa do IES A Cachada que nos viñeron a contar uns contos sobre o mar e a facernos unhas pequenas dramatizacións. 

Grazas pola visita e por contar con nós para estas actividades!

DÍA DA PAZ.

Para conmemorar o día da Paz, en colaboración co equipo de extraescolares, fixemos unha lectura internivel onde os nenos de 6º de Primaria foron polas demais aulas contando o conto " O Peixe Arco da Vella". 

Despois elaboramos un mural onde cada neno/a elaborou unha escama para completar o noso peixe.

CONTACONTOS POLA PAZ.

Actualizamos a entrada para que vexades que ben o pasamos. Grazas ás familias asistentes!

 

CONTACONTOS DE ADVENTO.

Durante este mes as axudantes da biblioteca estivéronnos lendo un conto de advento nos recreos; onde cada día íamos lendo un novo capítulo para todo o alumnado voluntario que quería escoitalo. 

CONTO DE ADVENTO.

 

CONTACONTOS: CARABUÑAS

 

CONTACONTOS EN FAMILIA.

 Onte pola tarde tivemos un contacontos con luz negra para as familias que quixeron asistir. A profe María contounos o conto "¿Qué bigotes me pasa?" para traballar as emocións e despois fixemos un debuxo do mesmo. 

Foi unha xornada moi divertida. Grazas aos asistentes!

APADRIÑAMENTO LECTOR

 O día 23 de abril celébrase o Día do Libro e no noso cole, entre outras actividades, fixemos un apadriñamento lector onde o alumnado máis grande lle contou un conto aos máis pequenos. 

Desfrutamos un montón!

No seguinte enlace podedes ver fotos dese marabilloso momento. 

Apadriñamento lector

MESTRAS QUE CONTAN!

Co gallo da celebración do Día do Libro, durante este mes mestras voluntarias estánnos a contar un conto durante os recreos.

Moitas grazas pola vosa colaboración!

CONTACONTOS SAMAÍN

Para celebrar o Samaín, en colaboración co ENLG, organizáronse uns contacontos onde os nenos maiores lles contaron aos máis pequenos lendas e contos relacionados con esta temática. 

CONTACONTOS CO CENTRO DE MAIORES.

O alumnado de 2º de Ed. Primaria tivo a sorte de desfrutar dun contacontos sobre o alzheimer a cargo da mamá de Martina Buceta e dos usuarios da residencia de maiores de Ribeira xestionada por Domus VI.

CONTACONTOS EN FAMILIA.

O martes pola tarde na biblioteca do cole tivemos a primeira sesión de Contacontos en familia. Eva, a mamá de Carlos, animouse a virnos a contar Los dientes de Trino Rojo, un conto moi divertido sobre a saúde bucodental. Despois de escoitar o conto fixemos un par de manualidades. 

Moitas grazas ás familias que participaron e a Eva!!!

CONTOS A ESCURAS.

Durante estes días estamos facendo varias sesións dun contacontos  con luz negra a cargo das "teachers" do cole. 

Aquí tedes unhas imaxes para que poidades ver a MAXIA!