PASAPALABRA

 

Noraboa ás gañadoras pola súa sabedoría acerca de palabras relacionadas co mar. E ás demais, moitas grazas pola vosa participación. 

OBRADOIRO DE ANIMAIS MARIÑOS.

A semana pasada tamén levamos a cabo un obradoiro de animais mariños con limpapipas. Quedaron estupendos!

OBRADOIRO DE PULSEIRAS MARIÑAS.

Hoxe tivemos un obradoiro de pulseiras mariñas. Mirade que xoias tan fermosas elaboraron os/as nosos/as artistas!

CHARLA DE BUCEO.

O venres 8 tivemos a sorte de poder asistir a unha charla de buceo impartida polo noso mestre de Educación Física. 

Nela contounos os pasos a seguir para ser buceador profesional, a vestimenta e accesorios imprescindibles para ir sair a bucear e amosounos fotos e videos da fauna mariña que el fotografía cando vai ao fondo do mar. 

Moitas grazas profe Antonio!!!

UN MAR DE LIBROS

Seguindo coas actividades do Día do Libro, elaboramos un "mar de libros" onde cada alumno/a deixou constancia do seu libro favorito ou fixo unha recomendación lectora.

ROSALÍA DE CASTRO

O 23 de febreiro celébrase o Día de Rosalía de Castro. Este curso tratamos de relacionar a homenaxe a esta autora tan importante para a nosa lingua co proxecto de centro sobre o mar, polo que decidimos recolectar lixo na praia (fomentando así a conciencia sobre a contaminación marítima) e posteriormente elaborar con el un retrato de Rosalía. 

CONTACONTOS POLA PAZ.

Actualizamos a entrada para que vexades que ben o pasamos. Grazas ás familias asistentes!

 

OBRADOIRO DE POSTAIS

Aproxímanse datas de agarimo, paz e bos desexos... Por iso aproveitamos para levar a cabo un obradoiro de postais para intercambiar cos nosos compañeiros/as e desexarlles unhas felices festas.

NOVEMBRO: MES DA CIENCIA.

 

CONCURSO DE BANDEIRAS.

O venres levamos a cabo un concurso de bandeiras onde o alumnado que se animou a participar debía ser o primeiro en identificar a bandeira e dicir a que país pertencía. 

Foi un recreo moi emocionante onde pasamos un ratiño moi divertido. 

Noraboa aos participantes por ser capaces de recoñecer tantas bandeiras. Sodes incribles!!!

ANIMAIS DE ÁFRICA

A semana pasada desfrutamos dun obradoiro de debuxo da man de Olivia de 4º de Ed. Primaria que nos amosou como debuxar animais de África paso a paso. 

Moitas grazas Oli por participar na proposta con tanta alegría e vontade!

OBRADOIRO WEROBOTS

Esta semana o alumnado de Primaria está desfrutando e aprendendo sobre robótica e programación da man da academia WeRobots.

OBRADOIRO DE DEBUXO.

Este xoves no recreo anímate a desfrutar dun obradoiro de debuxo sobre animais de África da man de Olivia de 4º de EP.

Esperámoste na biblioteca!

OBRADOIRO DE REGUEIFAS.

No día de onte o alumnado de 5º de EP tivo a sorte de participar nun obradoiro de regueifas a cargo de Lupe Blanco.

Aquí podedes ver algunhas mostras do traballo realizado. 

MES DA CIENCIA EN GALEGO.

 

SALÓN DO CÓMIC.

Durante estas últimas semanas o alumnado de 4º de Educación Primaria elaborou os seus propios cómics e despois presentáronllelos na biblioteca aos seus compañeiros/as.

Se algúen quere disfrutar destas lecturas, están á vosa disposición na biblioteca do cole.