MUSEO DO MAR.

Aquí deixamos algunhas fotos e videos do noso museo, para aqueles que non puidéchedes vir a visitalo. Para acceder clicade neste enlace. 

Moitas grazas pola vosa colaboración e pola visita!

PASAPALABRA

 

Noraboa ás gañadoras pola súa sabedoría acerca de palabras relacionadas co mar. E ás demais, moitas grazas pola vosa participación. 

OBRADOIRO DE ANIMAIS MARIÑOS.

A semana pasada tamén levamos a cabo un obradoiro de animais mariños con limpapipas. Quedaron estupendos!

OBRADOIRO DE PULSEIRAS MARIÑAS.

Hoxe tivemos un obradoiro de pulseiras mariñas. Mirade que xoias tan fermosas elaboraron os/as nosos/as artistas!

CHARLA DE BUCEO.

O venres 8 tivemos a sorte de poder asistir a unha charla de buceo impartida polo noso mestre de Educación Física. 

Nela contounos os pasos a seguir para ser buceador profesional, a vestimenta e accesorios imprescindibles para ir sair a bucear e amosounos fotos e videos da fauna mariña que el fotografía cando vai ao fondo do mar. 

Moitas grazas profe Antonio!!!

APADRIÑAMENTO LECTOR.

O 23 de abril celébrase o Día do Libro e nos aproveitamos este día para facer un apadriñamento lector, onde os nenos de 5º e 6º lles leron un conto relacionado co mar aos máis pequenos. 

Como sempre foi todo un éxito. Grazas pequenos grandes lectores!

ROSALÍA DE CASTRO

O 23 de febreiro celébrase o Día de Rosalía de Castro. Este curso tratamos de relacionar a homenaxe a esta autora tan importante para a nosa lingua co proxecto de centro sobre o mar, polo que decidimos recolectar lixo na praia (fomentando así a conciencia sobre a contaminación marítima) e posteriormente elaborar con el un retrato de Rosalía. 

CONTACONTOS IES A CACHADA

O venres, o alumnado de 1º, 2º e 3º de Ed. Primaria, tivemos a sorte de contar con alumnos/as do clube de lectura e da materia de lingua portuguesa do IES A Cachada que nos viñeron a contar uns contos sobre o mar e a facernos unhas pequenas dramatizacións. 

Grazas pola visita e por contar con nós para estas actividades!

MALETA MARIÑEIRA "EXPLORANDO OS OCÉANOS".

Durante o mes de xaneiro desfrutamos dunha maleta viaxeira cedida en préstamo polo CEIDA. Esta maleta contiña libros relacionados cos océanos e fómola pasando por cada clase para que todos os nenos/as puideran desfrutar e aprender máis cousas relacionadas co noso proxecto de centro. 

DÍA DA PAZ.

Para conmemorar o día da Paz, en colaboración co equipo de extraescolares, fixemos unha lectura internivel onde os nenos de 6º de Primaria foron polas demais aulas contando o conto " O Peixe Arco da Vella". 

Despois elaboramos un mural onde cada neno/a elaborou unha escama para completar o noso peixe.

CONTACONTOS POLA PAZ.

Actualizamos a entrada para que vexades que ben o pasamos. Grazas ás familias asistentes!

 

PREMIOS PASAPORTE LECTOR.

Hoxe entregamos os premios do pasaporte lector a todos aqueles nenos e nenas de Ed. Primaria que conseguiron os tres selos do pasaporte. Ao alumnado de Ed. Infantil tamén se lle fixo entrega nas súas sesións de biblioteca. 

RECUNCHO DO MAR

Aquí está o noso recuncho da biblioteca onde podemos investigar e aprender sobre o noso PDI "O banco do mar". 

VISITA DE ROGELIO SANTOS QUEIRUGA

 24 DE OUTUBRO: DÍA DAS BIBLIOTECAS ESCOLARES.

Día no que presentamos o proxecto deste curso, "O banco do mar", a través do cal nos adentraremos nas profundidades mariñas para coñecer a súa flora e fauna, os oficios relacionados co mar, os aparellos empregados...
E que mellor maneira de inaugurar este proxecto que da man de Rogelio Santos Queiruga,  experto mariñeiro e divulgador de grandes coñecementos.
Moitas grazas por compartir con nós esta mañá e por ser fonte de motivación para os nosos nenos e nenas.

PRESENTACIÓN OCEANÍA

Hoxe tocounos presentarlles aos nosos compañeiros e compañeiras todo o que investigamos de Oceanía: animais, comidas típicas, lugares de interese...

Deixamos unhas imaxes que reflexan todo o traballo feito.