O 23 de febreiro celébrase o Día de Rosalía de Castro. Este curso tratamos de relacionar a homenaxe a esta autora tan importante para a nosa lingua co proxecto de centro sobre o mar, polo que decidimos recolectar lixo na praia (fomentando así a conciencia sobre a contaminación marítima) e posteriormente elaborar con el un retrato de Rosalía.
Hoxe o alumnado do 2º e 3º ciclo de Ed. Primaria tivo a gran sorte de escoitar e conversar con Eva Mejuto, despois de ler as súas obras Queco e Kika e O día que choveron gatos.
O venres, o alumnado de 1º, 2º e 3º de Ed. Primaria, tivemos a sorte de contar con alumnos/as do clube de lectura e da materia de lingua portuguesa do IES A Cachada que nos viñeron a contar uns contos sobre o mar e a facernos unhas pequenas dramatizacións.
Grazas pola visita e por contar con nós para estas actividades!
Durante o mes de xaneiro desfrutamos dunha maleta viaxeira cedida en préstamo polo CEIDA. Esta maleta contiña libros relacionados cos océanos e fómola pasando por cada clase para que todos os nenos/as puideran desfrutar e aprender máis cousas relacionadas co noso proxecto de centro.
Para conmemorar o día da Paz, en colaboración co equipo de extraescolares, fixemos unha lectura internivel onde os nenos de 6º de Primaria foron polas demais aulas contando o conto " O Peixe Arco da Vella".
Despois elaboramos un mural onde cada neno/a elaborou unha escama para completar o noso peixe.
.png)
