MUSEO DO MAR.

Aquí deixamos algunhas fotos e videos do noso museo, para aqueles que non puidéchedes vir a visitalo. Para acceder clicade neste enlace. 

Moitas grazas pola vosa colaboración e pola visita!

RECOMENDACIÓNS LECTORAS .

 

PASAPALABRA

 

Noraboa ás gañadoras pola súa sabedoría acerca de palabras relacionadas co mar. E ás demais, moitas grazas pola vosa participación. 

OBRADOIRO DE ANIMAIS MARIÑOS.

A semana pasada tamén levamos a cabo un obradoiro de animais mariños con limpapipas. Quedaron estupendos!

OBRADOIRO DE PULSEIRAS MARIÑAS.

Hoxe tivemos un obradoiro de pulseiras mariñas. Mirade que xoias tan fermosas elaboraron os/as nosos/as artistas!

CLUB DE LECTURA

A semana pasada rematamos o noso primeiro club de lectura. Nel, os nenos/as que quixeron forman parte, tiveron a oportunidade de ler os cómics de Policán e conversar sobre os mesmos en cada reunión que se celebrou na biblioteca de forma quincenal.

Moitas grazas a todos/as por participar!

CHARLA DE BUCEO.

O venres 8 tivemos a sorte de poder asistir a unha charla de buceo impartida polo noso mestre de Educación Física. 

Nela contounos os pasos a seguir para ser buceador profesional, a vestimenta e accesorios imprescindibles para ir sair a bucear e amosounos fotos e videos da fauna mariña que el fotografía cando vai ao fondo do mar. 

Moitas grazas profe Antonio!!!

OS MESTRES TAMÉN CONTAN.

A semana pasada tivemos a sorte de que Theo, o noso auxiliar de conversa, e Antonio,  o mestre de Educación Física, nos contaron uns contos no recreo. 

Grazas por encher o noso mar de historias e aventuras!

UN MAR DE LIBROS

Seguindo coas actividades do Día do Libro, elaboramos un "mar de libros" onde cada alumno/a deixou constancia do seu libro favorito ou fixo unha recomendación lectora.

FAMILIAS QUE CONTAN.

Ao longo da semana pasada, dentro da celebración do Día do Libro,  tivemos a visita de moitas familias que nos viñeron a contar contos relacionados co mar. 

Grazas a todas por encher o noso mar de contos!!!

APADRIÑAMENTO LECTOR.

O 23 de abril celébrase o Día do Libro e nos aproveitamos este día para facer un apadriñamento lector, onde os nenos de 5º e 6º lles leron un conto relacionado co mar aos máis pequenos. 

Como sempre foi todo un éxito. Grazas pequenos grandes lectores!

PREMIO PASAPORTE LECTOR

 Os últimos días de cole fixemos a entrega dos agasallos para aqueles nenos/as que completaron o pasaporte lector do 2º trimestre. 

Noraboa lectores/as e a seguir desfrutando da lectura!

RECOMENDACIÓNS LECTORAS 2º TRIMESTRE

 

ROSALÍA DE CASTRO

O 23 de febreiro celébrase o Día de Rosalía de Castro. Este curso tratamos de relacionar a homenaxe a esta autora tan importante para a nosa lingua co proxecto de centro sobre o mar, polo que decidimos recolectar lixo na praia (fomentando así a conciencia sobre a contaminación marítima) e posteriormente elaborar con el un retrato de Rosalía.